"İnter” AZAL üçün arzuolunmaz rəqib olaraq qalır. Sportnet.az-ın məlumatına görə, "təyyarəçilər” həmşəhərlilərinə nəinki cari mövsümdə qalib gəlmədi, ümumiyyətlə, artıq 11 oyundur buna nail ola bilmir.
AZAL "İnter”i sonuncu dəfə 2012/13 mövsümündə - 2013-cü ilin martın 18-də səfərdə 2:1 hesabı ilə məğlub edib. Bundan isə 3 ildən artıq vaxt keçib.
AZAL həmin qələbədən sonra rəqibinə qol vurmaqda da çətinlik çəkir. Təsadüfi deyil ki, komanda cari çempionatda 4 oyunda buna nail ola bilmədi.
Tərlan Əhmədovun komandası cari mövsümdə ən az xalı məhz "İnter”dən aldı. Bu, qış fasiləsindən sonra "AZAL Arena”da qolsuz bərabərliklə qazanılan 1 xal oldu. Qalan 3 matçda isə Zaur Svanadzenin komandasının qol buraxmadan qələbələri qeydə alındı.
