İngiltərənin "Mançester Yunayted" klubu 6 futbolçusunu transferə çıxarıb. Sportnet.az-ın "Daily Mail"ə istinadən məlumatına görə, bu barədə komandanın yeni baş məşqçisi Lui van Qal qərar qəbul edib.
Hollandiyalı mütəxəssis yarımmüdafiəçi Anderson və Maruan Fellaini, eləcə də hücumçu Vilfrid Zaa, Bebe, Danni Uelbek və Xavyer Ernandeslə çalışmaq istəmədiyini bildirib.
Qeyd edək ki, "Mançester Yunayted" ötən mövsüm uğursuzluğa düçar olması səbəbindən Devid Moyeslə yollarını ayırıb. Lui van Qal Hollandiya millisinə DÇ-2014-ün bürünc medalını qazandırdıqdan sonra istefa verərək, "qırmızı şeytanlar"ın sükanı arxasında rəsmən fəaliyyətə başlayacaq.
