İngiltərə Premyer Liqasının XXXIV turunun "Stok Siti" - "Tottenhem" matçının baş hakimi Kevin Frend həmkarı Nil Suorbriklə əvəzlənib. "Report"un məlumatına görə, səbəb Frendin qonaq komandanın çempionluq uğrunda rəqibi sayılan "Lester"in azarkeşi olmasıdır.
O, Lesterdə yaşayır və eyniadlı komandanın ev oyunlarına baş çəkir. Frend "Nyukasl" - "Mançester Yunayted" oyununa təyinat alıb.
Qeyd edək ki, "Stok Siti" - "Tottenhem" matçı aprelin 18-də keçiriləcək. XXVII turdan təxirə salınmış "Nyukasl" - "Mançester Yunayted" qarşılaşması isə aprelin 19-da olacaq.
