UEFA U-17 Avropa Çempionatı Azərbaycan-2016-nın təbliğatı məqsədilə turnirin Yerli Təşkilat Komitəsinin (YTK) əməkdaşları Bakı şəhərində yerləşən məktəblərdə görüşlər keçirir. Sportnet.az-ın məlumatına görə. bu gün çempionatın səfiri, əməkdar artist Röya Ayxan YTK üzvləri ilə birgə Yasamal rayonundakı 21 və 173 saylı orta məktəblərdə olub.
Populyar müğənni şagirdlərlə UEFA U-17 Avropa Çempionatı Azərbaycan-2016 barədə danışıb, onlara avtoqraf verib. Bu həftə məktəblərdə ikinci dəfə təbliğat tədbirinə qtaılan Röya Ayxan bu dəfə Azərbaycan milli komandasının 3 nömrəli formasında olması ilə diqqət çəkib.
Qeyd edək ki, milli komandamızda son olaraq 3 nömrəli formanı "Qəbələ"nin müdafiəçisi Məhəmməd Mirzəbəyov daşıyıb.
