Seleksiya xarakterli təlim-məşq toplanışını davam etdirən "Rəvan” daha iki yoxlama oyunu keçirəcək. Sportnet.az-ın məlumatına görə, hər 2 rəqib I Divizion təmsilçisidir.
Ramil Əliyevin başçılıq etdiyi komanda bu gün "Şuşa"ya qarşı oynayacaq. İyulun 19-da isə "aslanlar" "Şahdağ"a qarşı mübarizə aparacaq. Hər iki qarşılaşma "Bayıl Arena"da keçiriləcək və saat 19:30-da start götürəcək.
Qeyd edək ki, "Rəvan” mövsümlərarası fasilədə keçirdiyi ilk iki yoxlama matçında məğlub olub. "Aslanlar” Premyer Liqa təmsilçiləri AZAL-a 0:3, "Sumqayıt”a isə 0:2 hesabı ilə məğlub olub.
