AFFA Klublar Komitəsinin (KK) sabahkı iclasına Media Komitəsinin üzvləri də qatılacaq. Bu barədə Sportnet.az-a KK sədri Fikrət Hüseynov məlumat verib.
Onun sözlərinə görə, toplantıda mediaya klublar tərəfindən hansı dəstəyin verilə biləcəyi müzakirə olunacaq. AFFA-nın baş katibi Elxan Məmmədovun da iştirak edəcəyi iclasda, həmçinin 5 - 21 mayda Bakıda 17 yaşadək futbolçular arasında keçiriləcək AVropa çempionatına klubların göstərə biləcəyi köməklik də gündəliyə çıxarılacaq. Hər iki məsələyə dair müvafiq qərar veriləcək.
Qeyd edək ki, "Boulevard Hotel"də təşkil olunacaq iclas saat 11:00-da başlanacaq.
