Təbrizin "Traktor Sazi" klubu tarixi nailiyyətə imza atıb. Sportnet.az-ın məlumatına görə, komanda tarixində ilk dəfə Asiya Çempionlar Liqasının 1/8 final mərhələsinə vəsiqə qazanıb.
Təbriz təmsilçisi buna Səudiyyə Ərəbistanın "Əl-Hilal" klubunu səfərdə 2:0 hesabı ilə məğlub etməklə nail olub. Oyunda son nöqtəni 82-ci dəqiqədə həmyerlimiz, "Qəbələ"nin sabiq hücumçusu Fərzad Hatəmi vurduğu qolla qoyub.
"Traktor Sazi" bu qələbə ilə təkcə 1/8 finala vəsiqəni yox, eyni zamanda qrup liderliyini təmin edib. Belə ki, təbrizlilərin 5 oyundan sonra 12 xalı var və son tur öncəsi ən yaxın izləyicisi "Əl-Hilal"ı 4 xal qabaqlayır. Bu komandalar son turda da görüşəcək. Təbrizdəki həmin oyun mayın 3-də keçiriləcək.
Qeyd edək ki, Asiya Çempionlar Liqasında 8 qrupda ilk 2 yeri tutan komandalar növbəti mərhələyə vəsiqə qazanırlar.
