"17 yaşadək futbolçulardan ibarət Azərbaycan milli komandasının Bakıda keçiriləcək Avropa çempionatında qrupdan çıxmaq üçün çox yaxşı şansları var". Sportnet.az xəbər verir ki, bunu gecə saatlarında Bakıya gələn Ukraynanın U-17 yığmasının kapitanı Valeri Bondar deyib.
O bildirib ki, Azərbaycan çox gözəl və güclü komandadır: "Xüsusən də komandanız evdə, doğma divarlar və azarkeşlər arasında oynayacağını nəzərə almalıyıq".
Futbolçu həmçinin öz komandasının qarşısına qoyulan məqsədlərdən danışıb: "Bizim məqsədimiz qrupdan çıxmaq və gücümüz çatacaq qədər irəliləməkdir. İlk oyun Almaniya ilə olacaq. Bundestim favorit olsa da, biz onlardan çəkinmirik, rəqibə hörmətlə yanaşırıq".
Qeyd edək ki, B qrupunda yer alan Ukrayna millisinin digər rəqibləri Avstriya ilə Bosniya və Herseqovinadır.
