"Qəbələ” daha bir futbolçu ilə yollarını ayırıb. Klubun baş meneceri Zaur Əzizov Sportnet.az-a açıqlamasında Arif Daşdəmirovla başa çatan müqavilənin müddətini uzatmadıqlarını bildirib. O, bunun hər iki tərəf üçün daha məqsədəuyğun sayıldığını söyləyib.
Milli komandamızın da üzvü olan Daşdəmirov "Qəbələ"yə ötən yay "İnter"dən gəlmişdi. O, zədəli olduğundan millimizin Avstriyadakı qarşıdakı təlim-məşq toplanışına çağırılan heyətdən çıxarılıb.
Qeyd edək ki, "Qəbələ” yerlilərdən yarımmüdafiəçi Samir Zərgərovla, legionerlərdən ukraynalı orta sahə oyunçusu Aleksey Qay və bosniyalı hücumçu Ermin Zetslə yollarını ayırıb. Müqaviləsinin müddəti uzadılan ukraynalı qapıçı Dmitri Bezotosnıdır. Yarımmüdafiəçilər Rəşad Sadiqovla Asif Məmmədovla da yeni anlaşmaların imzalanması nəzərdə tutulub.
