"Bakı" klubunun futbolçusu və kapitanı Qeyrət Əliyevin evinə oğru girib. Sportnet.az-ın məlumatına görə, Əliyev Qeyrətə məxsus Xətai rayonu Gəncə prospektindəki evə gecə saat 03:00-04:00 radələrində maskalı şəxs soxulmağa çalışıb.
3-cü mərtəbəyə pəncərədəki barmaqlıqlardan tutaraq dırmaşan şəxs evə girdikdən sonra sürprizlə qarşılaşıb.
İşıqların sönülü olmasına aldanan oğru qarşısında Qeyrəti görüncə çaşbaş qalıb qaçmaq istəyən zaman isə əlbəyaxa olublar. Oğrunu zərərsizləşdirəndən sonra məlum olub ki, həmin şəxs Q.Əliyevin qonşusu imiş.
Bu barədə futbolçu 1xəbər-ə açıqlamasında bildirib ki, həmin ailə ilə dostluq əlaqələri olduğu üçün polisə şikayət barədə düşünmür.
