"Qarabağ"ın Avstriyada yoxlama oyunu keçirəcəyi növbəti rəqibinin adı məlum olub. Sportnet.az-ın klubun rəsmi saytına istinadən məlumatına görə, Ağdam komandası Albaniyanın ən titullu komandalarından olan ölkə çempionu "Şkenderbeu" ilə qarşılaşacaq.
Bu görüş iyulun 1-də baş tutacaq. Qarşılaşma yerli vaxtla 18:00-da (Bakı vaxtı ilə 20:00) start götürəcək.
Qeyd edək ki, komandamız ilk yoxlama oyununu sabah yerli "Vakker İnsbruk"a, ikinci yoxlama oyununu isə iyunun 28-də dördqat Rusiya çempionu "Zenit"ə qarşı keçirəcək.
