Avropa Liqasının I təsnifat mərhələsinin cavab görüşündə "Daçiya"nı Moldovada yenərək, növbəti mərhələyə adlayan Gəncənin "Kəpəz" komandası üçün Heydər Əliyev Beynəlxalq Hava Limanında qarşılanma mərasimi təşkil olunub. Sportnet.az-ın məlumatına görə, komandanı qarşılamağa 10-dan çox azarkeş gəlib.
Onlar müxtəlif şüarlar səsləndirdikdən sonra komanda ilə şəkil çəkdiriblər. Daha sonra fanatların olduğu avtomobil "Kəpəz"i şəhərin mərkəzinə aparan avtobusu müşayiət edib.
Qeyd edək ki, "Kəpəz" "Daçiya" ilə evdə 0:0 hesablı heç-heçə etsə də, səfərdə qalib gəlib. Növbəti mərhələdə rəqib Avstriyanın "Admira Vakker!" komandası olacaq.
