"Qəbələ" Avropa Liqasının II təsnifat mərhələsində Macarıstanın MTK klubu ilə səfər oyununa hazırlığa başlayıb. Sportnet.az-ın məlumatına görə, paytaxtda məskunlaşan "qırmızı-qaralar" məşqlərini "Bakı"nın bazasında edir.
İlk təsnifat mərhələsində Tiflis "Dinamo"su ilə oyunları zədə üzündən buraxan yarımmüdafiəçi Asif Məmmədov sıraya dönüb. O, artıq komanda ilə hazırlıq keçsə də, indi digər hücumameylli yarımmüdafiəçi - Rəşad Eyyubov kənarda qalıb. Buna səbəb futbolçunun hələ Tiflisdəki matç zamanı səhhətində yaranan problemdir. Allergiyadan əziyyət çəkən Eyyubov bir müddət həkim nəzarətində olacaq. Onun qarşıdakı matçda iştirakı sual altındadır.
Qeyd edək ki, "Qəbələ" MTK ilə ilk matçını iyulun 14-də səfərdə keçirəcək.
