"Neftçi" daha bir legioner transfer edib. Klubun Müşahidə Şurasının üzvü Səməd Qurbanov Sportnet.az-ın Avropa Liqasının II təsnifat mərhələsində Makedoniyanın "Şkendiya" klubu ilə səfər oyununa ezam olunan əməkdaşına açıqlamasında ispan hücumçu Kristian Lopesin keçidini həll etdiklərini bildirib: "Oyun oyunlarına baxmışam, çox təcrübəli hücumçudur. Son olaraq Rumıniyanın "Kluj" klubunda oynayıb".
27 yaşlı legioner ötən mövsüm Rumıniyada 38 oyunda 12 qol vurub. O, bir vaxtlar "Real Madrid" və "Valensiya" B komandalarında çıxış edib.
Qeyd edək ki, "Neftçi" "Şkendiya"nı keçərsə, ispan hücumçunu Avropa Liqası üçün sifariş edib xidmətindən yaranlana biləcək.
