Azərbaycan klubları bugünkü tarixdə avrokuboklarda cəmi 1 oyun keçiriblər. Sportnet.az-ın məlumatına görə, bu, 2005-ci ildə Çempionlar Liqasının (ÇL) I təsnifat mərhələsində İslandiyanın "Hafnarfyordur" klubu ilə səfər matçı olub.
"Ağ-qaralar" həmin cavab oyununda 2:1 hesabı ilə qalib gəlib. Ağasəlim Mircavadovun o vaxt çalışdırdığı komandada qolları ikinci hissədə hücumçular - xorvat Tomislav Mişura (51-ci dəqiqə) ilə Nadir Nəbiyev (75-ci dəqiqə) vurub. "Neftçi" ilk oyunda evdə də qalib gəldiyindən (2:0) mərhələ keçib.
Bu, "Neftçi" ilə Mircavadovun ÇL-də 2-ci dəfə mərhələ adladığı gün kimi tarixə düşüb. Komanda bundan 1 il öncəki təkrarlamışdısa, təcrübəli mütəxəssis 2000-ci ildə "Şəmkir"lə ilk uğura imza atmışdı.
Qeyd edək ki, "Qarabağ" iyulun 20-də Çempionlar Liqasında, "Kəpəz" Avropa Liqasında cavab oyununa çıxır.
Mehman Süleymanov
AFFA yanında Media Komitəsi tərəfindən maliyyələşdirilib
