"Ümumi oyundan və nəticədən razıyam. Qarşılaşmanın bizim üçün çətin keçəcəyini əvvəldən bilirdik. Meydançanın vəziyyəti o qədər də yaxşı deyildi, bu da sürətli oyun göstərməyimizə mane olurdu". Sportnet.az-ın məlumatına görə, bu fikirləri "Qarabağ"ın baş məşqçisi Qurban Qurbanov Çempionlar Liqasının II təsnifat mərhələsində Lüksemburqun "Düdelanj" klubu ilə 1:1 hesabı ilə nəticələnən cavab matçından sonra bildirib. Onun sözlərinə görə, ilk oyunda qeydə alınan nəticə də öz sözünü dedi: "İlk hissəyə nisbətən ikinci hissə daha yaxşı oynadıq. Meydanda olan hər bir futbolçunun çıxışından razı qaldım. Azarkeşlərimizə xüsusi təşəkkürümü bildirirəm. Səfərdə oynamağımıza baxmayaraq, 90 dəqiqə bizi dəstəklədilər”.
Xatırladaq ki, "Qarabağ" rəqibini Bakıda 2:0 hesabı ilə məğlub etmişdi.
