Çempionlar Liqasının III təsnifat mərhələsi çərçivəsində baş tutacaq "Qarabağ" - "Viktoriya" (Çexiya) qarşılaşmasından öncə keçiriləcək mətbuat konfranslarının vaxtı bəlli olub. Sportnet.az-ın məlumatına görə, avqustun 1-də "Azərsun Arena"nın mətbuat zalında Ağdam klubunun baş məşqçisi Qurban Qurbanov saat 18:30-da media mənsublarının önünə çıxacaq. Çempionumuzun son məşqi isə saat 18:45-də Suraxanı qəsəbəsində yerləşən bazasında baş tutacaq. Məşqin ilk 15 dəqiqəsi mətbuat və azarkeşlər üçün açıq olacaq.
"Viktoriya"nın baş məşqçisi Roman Pivarnik isə həmin gün saat 19:45-də Tofiq Bəhramov adına Respublika stadionunun mətbuat zalında jurnalistlərin suallarını cavablandıracaq. Çexiya təmsilçisinin son məşqi saat 20:30-da qarşılaşmanın keçiriləcəyi stadionda baş tutacaq.
Qeyd edək ki, "Qarabağ" tərəfindən ayrılmış avtobus saat 19:00-da media mənsublarını "Azərsun Arena"dan Tofiq Bəhramov adına Respublika stadionuna aparacaq.
