Argentina milli komandasının yeni baş məşqçisi Edqardo Bausa Lionel Messinin gələcək taleyi ilə bağlı fikirlərini açıqlayıb. Sportnet.az-ın məlumatına görə, argentinalı mütəxəssis ayyarım öncə milli karyerasını bitirdiyini bəyan edən 29 yaşlı kapitanı fikrindən daşındırmaq niyyətində olmadığını bildirib.
Bausanın fikrincə, buna ehtiyac yoxdur və Messi hər şeyə özü qərar verməlidir: "Biz nə Messi, nə də onun ailə üzvləri ilə əlaqə saxlamışıq. Mən yaxın vaxtda Lionelllə görüşüb söhbətləşməyi planlaşdırıram. Onu heç nəyə inandırmaq lazım deyil. Sadəcə, futbol haqda danışmaq lazımdır. Futbolçu olanlar finaldakı məğlubiyyətdən sonra məyusluğu başa düşürlər. Messiyə necə işləməyə hazırlaşdığımızı danışmaq lazımdır. O, özündə dəqiq təsəsvvür edir ki, meydanda nə etməli və hansı qərarları qəbul etməlidir".
Xatırladaq ki, Messi iyunun sonunda Amerika Kubokunun finalında Çiliyə oyunsonrası penaltilərdə məğlubiyyətdən sonra millidə çıxışını başa vurduğunu açıqlayıb.
