"Qəbələ"nin sabiq futbolçusu Aleksey Qay hələ də Rusiyanın "Kuban" klubunda debüt eməyib. Sportnet.az-ın məlumatına görə, buna səbəb Krasnodar təmsilçisinin 34 yaşlı ukraynalı yarımmüdafiəçini sifariş edə bilməməyidir.
Səbəb klubun Qayın həmyerlisi, "Şaxtyor"un digər sabiq futbolçusu Yevgeni Selezyova və bir sıra unçulara borcunun olmasıdır. Bu isə ümumilikdə 1 milyon avroya yaxın təşkil edir.
Bundan əlabə, "Kuban" maddi problem üzündən rumıniyalı baş məşqçisi Dan Petreskunu və onun köməkçilərini istefaya göndərə bilmir. Çünki onların müqavilələrində böyük məbləğdə təzminat nəzərdə tutulub.
Xatırladaq ki, ötən mövsüm Premyer Liqadan birinci diviziona düşən "Kuban" 8 oyundan sonra 5 xalla son pillədə qərarlaşıb.
