Bu gün futbol üzrə Çempionlar Liqasının (ÇL) qrup mərhələsinin son iştirakçıları müəyyənləşib. Sportnet.az-ın məlumatına görə, son 5 iştirakçı pley-off mərhələsinin bu gün keçiriləcək cavab görüşlərindən sonra məlum olub.
Son 5 iştirakçıdan 4-ü "Kopenhagen", "Borsusiya" (Münhenqladbax), "Rostov" və "Mançester Siti" olub. Danimarka təmsilçisi onu qrupa çıxaran qolu son dəqiqələrdə vura bilib. "Rostov" isə "Ayaks"a böyük hesabla qalib gələrək günün sensasiyasına imza atıb və tarixində ilk dəfə buna nail olub. "Mançester Siti" ilə "Borssuiya"nın səfər qələbərindən sonra qrupa düşmək işini həll etdikləri məlum idi.
Avstriyadakı təkrar oyunda qalib müəyəynləşmədiyindən əlavə vaxt təyin olunub. Zaqreb "Dinamo"su onu qrupa çıxaran qolu həmin 30 dəqiqədə vuraraq "Zalsburq"dan üstün olub.
Çempionlar Liqası, "Pley-off" mərhələsi, cavab oyunları
22:45. APOEL (Kipr) - "Kopenhagen" (Danimarka) - 1:1
Qol: Pieros Soteriou, 69 - Federiko Santander, 86
İlk oyun - 0:1
22:45. "Borussiya" (Münhenqladbax, Almaniya) - "Yanq Boyz" (İsveçrə) - 6:1
Qollar: Torqan Azar, 9, 64, 84, Raffael, 33, 40, 77 - Yoriç Ravet, 79
İlk oyun - 1:3
22:45. "Rostov" (Rusiya) - "Ayaks" (Hollandiya) - 4:1
Qollar: Sərdar Azmun, 34, Aleksandr Yeryoxin, 52, Kristian Noboa, 60, Dmitri Poloz, 60 - Devi Klaassen, 84
Qırmızı vərəqə: Fyodr Kudryaşov, 83 (penalti)
İlk oyun - 1:1
22:45. "Mançester Siti" (İngiltərə) - "Styaua" (Rumıniya) - 1:0
Qol: Fabian Delf, 56
İlk oyun - 5:0
22:45. "Zalsburq" (Avstriya) - "Dinamo (Zaqreb, Xorvatiya) - 1:2
Qollar: Valentino Lazaro, 33 - Junior Federiko, 86, El Arbi Sudani, 95
İlk oyun - 1:1
Qeyd edək ki, "Real Madrid", "Barselona", "Atletiko Madrid", "Sevilya" (hamısı İspaniya), "Lester Siti", "Arsenal", "Tottenhem" (hər üçün İngiltərə), "Bavariya", "Borussiya" (Dortmund), "Bayer" (hər üçü Almaniya), "Yuventus", "Napoli" (hər ikisi İtaliya), "Benfika", "Sportinq" (hər ikisi Portuqaliya), PSJ, "Lion" (hər ikisi Fransa), ÇSKA (Rusiya), "Dinamo" (Kiyev, Ukrayna), PSV (Hollandiya), "Beşiktaş" (Türkiyə), "Bazel" (İsveçrə) və "Brügge" (Belçika) birbaşa qrup mərhələsində çıxış edəcək.
