İngiltərə Premyer Liqasının klublarından olan "Vest Hem" növbəti transferini reallaşdırıb. Sportnet.az-ın məlumatına görə, Slaven Biliçin baş məşqçisi olduğu komanda "Yuventus"un futbolçusu Simone Zazanı heyətinə qatıb.
Belə ki, Andre Ayunun zədələnməsindən sonra hücumçu axtarışına başlayan ingilislər, 25 yaşlı hücumçunu 5 milyon 900 min avro qarşılığında icarə əsasında transfer edib. Əgər "Vest Hem" mövsümün sonunda Simone Zazanı heyətdə saxlamaq istəsə, italyanlara 23,5 milyon avro ödəməli olacaq.
İmza mərasimindən sonra açıqlamalar edən Zaza, "Vest Hem"i seçməsindəki ən böyük səbəbin azarkeşlər olduğunu söyləyib.
