Avropa Liqasının qrup mərhələsinin II turunda "Qəbələ" ilə qarşılaşacaq Almaniyanın "Maynts" klubunun Bakıya gəlmə vaxtı müəyyənləşib. Sportnet.az-ın məlumatına görə, komanda oyundan bir gün öncə - sentyabrın 28-də paytaxtda olacaq.
Almaniya komandasını gətirən təyyarə saat 16:00-da Heydər Əliyev adına Hava Limanında olacaq. "Maynts" şəhərin mərkəzində yerləşən "Hilton" otelində məskunlaşacaq.
Qeyd edək ki, sentyabrın 29-da "Bakcell Arena"da keçiriləcək "Qəbələ" - "Maynts" matçı saat 19:00-da başlayacaq.
