Azərbaycan milli komandası 2018-ci il dünya çempionatının seçmə mərhələsində Şimali İrlandiya yığması ilə səfər matçından sonra Vətənə dönüb. Sportnet.az-ın məlumatına görə, millimizi Belfast hava limanından gətirən "Boeing 787 Dreamliner" təyyarəsi az öncə Bakı Heydər Əliyev Beynəlxalq Hava Limanına eniş edib.
Azərbaycana uçuş bu gün Bakı vaxtilə saat 13:00-da nəzərdə tutulsa da, təyyarənin təkərindəki texniki nasazlıq üzündən saat yarım ləngiyib. Bu problem aradan qaldırılandan sonra təyyarə havaya qalxıb və 5 saat yarımlıq uçuşdan sonra uğurla eniş edib.
Qeyd edək ki, Belfastdan Bakıya uçuş ilkin olaraq bu gecə Bakı vaxtilə gecə 05:00-da nəzərdə tutulsa da, təyyarədə texniki nasazılıq üzündən təxirə salınıb. Belə olan halda, AFFA rəhbərliyi milli komandamız və nümayəndə heyətini üzvlərini, o cümlədən jurnalistləri hava limanının yaxınlığındakı oteldə yerləşdirib. Oteldə yer almadığından assosiasiya rəhbərliyi gecəni ayaq üstə gecələməli olublar.
