"Dekabrda "Neftçi”dən təklif almışdım. Hətta müqavilə bağlamağa çox yaxın idim. Ancaq sonra internetdə gördüm ki, komanda turnir cədvəlinin son pillələrində qərarlaşır”.
Sportnet.az-ın məlumatına görə, bunu "Neftçi”nin maraqlandığı çexiyalı futbolçu Lukaş Droppa ölkəsinin mətbuatına müsahibəsində deyib.
Çexiyalı millisinin üzvü "Neftçi”nin hazırda çempionatın autsayderlərindən olduğu üçün bu kluba keçmək istəmədiyini bildirib. DÇ-2018-in seçmə mərhələsində millimizə qarşı oynamış 27 yaşlı yarımmüdafiəçi əlavə edib ki, "Qarabağ”da çıxış etməyə hazırdır: "Düzdür, təklif cəlbedici idi. Ancaq o kluba keməkdən imtina etdim. "Neftçi” böyük ənənəsi olan klub olsa da, hazırda yaxşı günlərini yaşamır. Niyə Azərbaycanın autsayder komandasına keçməliyəm? Azərbaycan klublarından yalnız "Qarabağ”a keçərəm”.
Qeyd edək ki, son olaraq Rusiyanın "Tom” klubunda çıxış edən futbolçu hazırda azad agent statusuna malikdir (qol.az).
