"Oyun çox ağır keçdi. Bura gələndən fiziki hazırlıq üzərində məşqlər keçirik. Matça yorğunluq fonunda çıxmışdıq".
Sportnet.az-ın məlumatına görə, bunu "Neftçi"nin futbolçusu Fəhmin Muradbəyli klub televiziyasına Türkiyə "Sivasspor"u ilə Antalya bölgəsindəki ilk yoxlama matçı barədə danışarkən deyib.
21 yaşlı yarımmüdafiəçi bildirib ki, yorğunluq hər iki komanda ikiqat çətinlik yaradıb. Bununla belə, Muradbəyli başabaş mübarizədən razılıq ifadə edib: "Hər iki komandanı təbrik edirəm, meydanda əsl mübarizə oldu. Şanslarımız da oldu, istifadə edə bilmədik. Rəqibin də şansları oldu. Belə qarşılaşmalarda əsas nəticə deyil, məşqçilərin tapşırıqlarını yerinə yetirməkdir".
Qeyd edək ki, oyun qolsuz tamamlanıb - 0:0.
