"Mənə Azərbaycan yığmasında çıxış etmək təklif olundu. Ancaq başqa qərar qəbul etdim". Sportnet.az-ın məlumatına görə, bunu Rusiyanın "Sport-Express" saytına müsahibəsində Rusiya yığmasının üzvü Aleksandr Səmədov deyib.
O, Azərbaycanı deyil, Rusiya yığmasını seçməsinin səbəbini belə izah edib: "Avropa və dünya çempionatında oynamağı çox istəyirəm. Həmin turnirlər uğursuz alınır, amma heç vaxt unuda bilmirsən. Avropa çempionatında Uelsə qarşı 20 dəqiqə oynamışam. Mənim üçün bu çox əhəmiyyətlidir".
A.Səmədov hücumçu Ramil Şeydayevin Azərbaycan millisinin seçməsinə də münasibət bildirib: "Bu qərarı birmənalı olaraq normal qarşılayıram. Bu onun seçimidir".
