Braziliyalı dünya çempionu olan futbol əfsanəsi Rivaldonun oğlu karyerasını Rumıniyada davam etdirəcək. Sportnet.az-ın məlumatına görə, Buxarest "Dinamo"su rəsmi saytında 21 yaşlı Rivaldinyonu transfer etdiyini açıqlayıb. Gənc hücumçu ilə müqavilə 2020-ci ilin yayınadək nəzərdə tutulub.
Rivaldinyonun son klubu vətənində B seriyasının təmsilçisi "Paysandu" olub. O, bu komandanın heyətində 3 matç keçirib. Rivaldinyo həmçinin "Boavişta" və "Moji-Mirin"də oynayıb.
