"Qarabağ" cari mövsümdə transfer çalışmalarını bitirməyib. Klubun direktoru Əmrah Çəlikəl Sportnet.az-a açıqlamasında yeni futbolçular axtarışında olduqlarını bildirib.
Onun sözlərinə görə, bunlar ön xətlə bağlı legionerlər olacaq: "Bu barədə işlər görülür. Lazımı mövqelərə transferlərin edilməsi üçün çalışmalar edilir".
Xatırladaq ki, qış fasiləsində braziliyalı Reynaldo Silvanın "Adanaspor"a gedişindən sonra hücumçu axtaran "Qarabağ" ispaniyalı hücumameylli yarımmüdafiəçisi Dani Kintananın ağır zədələnərək mövsümü erkən bitirməsindən sonra bu mövqeyə də oyunçu aramaq məcburiyyətindədir.
