İspaniya "Real Madrid"inin futbolçusu Rafael Varan yaxın 3 həftə ərzində komandasına kömək edə bilməyəcək. Sportnet.az-ın AS-a istinadən məlumatına görə, Fransa yığmasının müdafiəçisi La Liqada XVI turun "Valensiya" ilə qarşılaşmasında zədələnib.
73-cü dəqiqədə əvəzlənən Varanın tibbi müayinə nəticəsində əzələ bağlarında problem aşkarlanıb. 24 yaşlı futbolçu təkrar müayinədən keçməlidir.
Qeyd edək ki, Rafael Varan "Real Madrid"in heyətində İspaniya çempionatında 22 oyunun 18-də forma geyinib. O, 1 qol və 1 məhsuldar ötürmə müəllifi olub. "Valensiya" ilə görüş "kral klubu"nun 1:2 hesablı məğlubiyyəti ilə yekunlaşıb.
