"Qəbələ"nin sabiq baş məşqçisi Dorinel Muntyanu istefa verib.
Sportnet.az-ın Rumıniya mətbuatına istinadən verdiyi məlumata görə, 49 yaşlı mütəxəssis İrakın "Zaxo" klubundan ayrılıb.
Rumıniyalı məşqçinin rəhbərliyi altında 8 matça çıxan İrak təmsilçisi qələbə üzü görməyib: 4 heç-heçə, 4 məğlubiyyət. Bu səbəbdən Muntyanu öz istəyi ilə komandadan ayrılıb.
"Zaxo" klubu 18 turdan sonra 11 xalla 16-cı pillədədir. Komandanın düşmə zonasında qərarlaşan kollektivlərlə 2 xal fərqi var.
Qeyd edək ki, Dorinel Muntyanu 2014-cü ildə "Qəbələ"nin baş məşqçisi olub və uğursuz nəticələr səbəbi ilə qovulub.
