AFFA-nın İntizam Komitəsinin növbəti iclası keçirilib.
Sportnet.az-ın məlumatına görə, toplantıda Azərbaycan I divizionun XVII turunda baş verən hüquq pozuntularına dair qərarlar qəbul olunub.
"Qaradağ Lökbatan” – "Ağsu” matçında meydan sahiblərinin 4 futbolçusu sarı vərəqə ilə cəzalandığı üçün klub 80 manat cərimələnib. Oyunun 86-cı dəqiqəsində "Ağsu”nun futbolçusu Şamo Həsənov ikinci sarı vərəqə alaraq meydandan kənarlaşdırıldığı üçün 1 oyun cəzalanıb, kluba 20 manat cərimə kəsilib.
"Energetik” – "Turan Tovuz” görüşünün 45+1-ci dəqiqəsində meydan sahiblərinin futbolçusu Etibar Alıyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 20 manat ziyana düşüb.
