AFFA İntizam Komitəsi MOİK-in baş məşqçisi Ramil Əliyevi cəzalandırıb.
Sportnet.az-ın məlumatına görə, buna gənc mütəxəssisin Azərbaycan I divizionun XXI turunda "Şəmkir”lə oyun zamanı hakimlər briqadasını təhqir etməsi səbəb olub. Əliyev 60-cı dəqiqədə İnqilab Məmmədovun rəhbərlik etdiyi hakimlər briqadasının ünvanına nalayiq ifadələr işlədib.
İntizam Komitəsi onu növbəti 5 oyunda texniki zonadan uzaqlaşdırıb, klubunu isə 400 manat cərimələyib.
Qeyd edək ki, görüş qolsuz yekunlaşıb - 0:0.
