"Zirə” ilə oyun bizim üçün ən vacib görüşlərdən biri olacaq. Çünki "Zirə”yə qalib gəlsək daha yaxşı olardı. Ciddi komandaya qarşı oynayacağıq. "Zirə” kompakt oynamağı bacarır. Builki üç oyunun hamısında onlarla bərabərə qalmışıq. Bu oyunda isə nəhayət ki, qalib gəlmək istəyirik”. Bunu Sportnet.az-a açıqlamasında "İnter”in müdafiəçisi Slavik Alxasov deyib.
Alxasov, ikinci pilləni tutmaq şanslarının olduğunu da vurğulayıb: "Çempionat hələ başa çatmayıb. İkinci pilləni tutmaq hazırda çox çətindir, şansımız daha azdır. Ancaq biz komanda şəklində ilk üçlükdə olmaq istəyirik”.
