"Qəbələ” ilə oyuna hazırlaşırıq. Mövsümün son oyunları olsa da, biz maksimum nəticə qazanmaq istəyirik”. Bunu Sportnet.az-a açıqlamasında "İnter”in hücumçusu Pərdis Fərcad-Azad Azərbaycan Premyer Liqasının 27-ci turu çərçivəsində keçiriləcək "Qəbələ” – "İnter” matçı haqda danışarkən deyib.
Forvard yayda komandada qalıb-qalmayacağına da aydınlıq gətirib. Pərdis ona Almaniyaya qayıtmaq ehtimalının da olduğunu etiraf edib: "Hələ ki, "İnter”də qalıb-qalmayacağımı bilmirəm. Mövsüm başa çatanda hər şey bilinəcək. Mənə təklif göndərən klublar var, ancaq hələ cavab verməmişəm. Almaniyaya da qayıda bilərəm. Ancaq hazırda dəqiq heç nə bilmirəm”.
