Futbol üzrə Ukrayna Kubokunun finalında "Şaxtyor"la Kiyev "Dinamo"su üz-üzə gələcək.
Sportnet.az-ın məlumatına görə, bu, yarımfinal görüşlərindən sonra müəyyənləşib. "Dinamo" "Nikolayev"i darmadağın edib - 4:0. Andrey Yarmolenkonun "het-trik" etdiyi görüşdə daha bir qolu Tamaş Kadar vurub. "Şaxtyor" isə "Dnepr"i Taysonun qolu sayəsində 1:0 hesabı ilə yenib. Azərbaycan millisinin futbolçusu Dmitri Nağıyev sonadək Dnepropetrovsk komandasının heyətində meydanda olub.
Qeyd edək ki, final görüşü mayın 17-də Xarkovda keçiriləcək.
