Portuqaliyalı baş məşqçi Leonardu Jardim "Monako" ilə müqavilə müddətini uzadıb. Sportnet.az-ın klubun rəsmi saytına istinadən məlumatına görə, yeni anlaşma 2020-ci ilin yayınadək nəzərdə tutulub.
Ötən mövsüm "Monako" Jardimin rəhbərliyi altında Fransa çempionu olub və Çempionlar Liqasında yarımfinaladək yüksəlib. Özünü klubun və knyazlığın bir hissəsi saydığını deyən 42 yaşlı mütəxəssis komandanın inkişafı naminə fəaliyyətini davam etdirməkdən məmnunluq ifadə edib.
Qeyd edək ki, Leonardu Jardim "Monako"ya 2014-cü ildən rəhbərlik edir.
