İspaniyanın "Barselona” klubu Usman Dembelenin transferi üçün Dortmund "Borussiya”sına ödəyəcəyi məbləği 140 milyon avroya qədər artırmaq niyyətindədir.
Sportnet.az "RAC 1” radiosuna istinadən xəbər verir ki, kataloniyalılar bu yolla 20 yaşlı futboçunu satmaq üçün Almaniya klubunu yola gətirməyi düşünürlər.
Qeyd edək ki, "Barselona” daha əvvəl fransalı hücumçunun keçidindən ötrü "Borussiya”ya 90 milyon avro nəğd və 40 milyon avro bonus təklif edib. Lakin Dortmund təmsilçisinin rəhbərliyi həmin təklifi qəbul etməyib. Dembele isə öz növbəsində məşqlərə çıxmaqdan boyun qaçırır.
