Azərbaycan milli komandasının baş məşqçisi Robert Prosineçki "Qarabağ"ın Danimarka "Kopenhagen"i ilə Bakıda keçirəcəyi Çempionlar Liqasının ilk "pley-off" matçını izləyə bilməyəcək. AFFA-dan Sportnet.az-a verilən məlumata görə, xorvatiyalı mütəxəssis Azərbaycan paytaxtına oyun saatınadək qayıtmayacaq.
O, avqustun 16-dan iş başında olacaq. Prosineçkinin əvəzinə qarşılaşmanı yerli köməkçiləri Mahmud Qurbanovla Faiq Əzizov izləyəcək. Onlar əvvəlki görüşlərdə də iş başında olublar.
Qeyd edək ki, Robert Prosineçki Azərbaycan millisinin iyunun 10-da Bakıda Şimali İrlandiyaya 0:1 hesabı ilə uduzduğu 2018-ci il dünya çempionatının seçmə qrup matçından sonra məzuniyyətə çıxıb.
