Danimarkanın "Kopenhagen" klubunun "Qarabağ"la Bakıda keçirəcəyi Çempionlar Liqasının ilk "pley-off" matçı üçün start heyəti müəyyənləşib. Sportnet.az-ın "Tipsbladet"ə istinadən məlumatına görə, baş məşqçi Stole Solbakken "11-lik"də 7 legionerə şans verəcək.
Yalnız müdafiəçilər Nikolay Boylesen və Peter Ankersenlə yarımmüdafiəçilər Uilyam Kvistlə Yussef Tutu danimarkalıdır.
25. Robin Olsen - 3. Pyer Benqtsson, 20. Nikolay Boylesen, 22. Peter Ankersen, 27. Mixael Lüftner - 6. Uilyam Kvist (kap.), 7. Benjamin Verbiç, 8. Uroş Matiç, 24. Yussef Tutu - 9. Federiko Santander, 11. Andriya Pavloviç
Qeyd edək ki, bu gün Tofiq Bəhramov adına Respublika stadionunda keçiriləcək "Qarabağ" - "Kopenhagen" matçı saat 20:00-da başlanacaq.
