Azərbaycan Premyer Liqanın II turunda "Sumqayıt”ı qəbul edəcək "Qəbələ” komandası yoxlama matçı keçirib.
Sportnet.az-ın məlumatına görə, "qırmızı-qaralar” Qəbələ şəhər stadionunda öz əvəzediciləri ilə qarşılaşıb. Görüş əsas komandanın 2:0 hesablı qələbəsi ilə yekunlaşıb. Qolları Ruslan Qurbanov və Elvin Məmmədov vurub. Baş məşqçi Roman Qriqorçuk heyətdəki əksər futbolçulara şans verib.
Qeyd edək ki, avqustun 20-də keçiriləcək "Qəbələ” – "Sumqayıt” matçı saat 20:00-da başlanacaq.
