Azərbaycanın veteran futbolçusu İsgəndər Cavadovun oğlu avtoxuliqanlıq etdiyinə görə saxlanılıb.
Sportnet.az "Report"a istinadən xəbər verir ki, hadisə Bakının Nəsimi rayonunda qeydə alınıb. Cavadov Cavad İsgəndər oğlu idarə etdiyi 10 HB 009 dövlət qeydiyyat nişanlı BMW markalı avtomobillə işıqforun qırmızı işığından keçib. Sürücü Yol Patrul Xidmətinin əməkdaşları tərəfindən saxlanılıb. Məlum olub ki, C.Cavadov yol hərəkəti qaydalarını müxtəlif üsullarla davamlı olaraq pozub.
Sürücü C.Cavadov inzibati məsuliyyətə cəlb edilib. Avtomobili isə cərimə meydançasına yerləşdirilib. C.Cavadov izahatı alındıqdan və cərimələndikdən sonra sərbəst buraxılıb.
Qeyd edək ki, İsgəndər Cavadov AFFA İcraiyyə Komitəsinin üzvü, Regional Futbol Federasiyalarının prezidentidir.