"Çelsi" klubu İngiltərə Premyer Liqasında XI tur matçını keçirib. Sportnet.az-ın məlumatına görə, "zadəganlar" "Mançester Yunayted"i qəbul edib.
Londondakı "Stemford Bric" stadionunda təşkil olunmuş qarşılaşmanın taleyini bir qol həll edib. Yeganə qolu 55-ci dəqiqədə Alvaro Morata vurub.
Bununla da xallarını 22-yə çatdıran "Çelsi" 4-cü pilləyə yüksəlib və 5-ci pillədəki "Liverpul"dan 3 xal aralanıb. 23 xalı olan "Mançester Yunayted" isə lider "Mançester Siti"nin 8 xal gerisinə düşüb.
Qeyd edək ki, "Çelsi" Çempionlar Liqasında "Qarabağ"la eyni qrupda yer alıb. İki komanda arasında Londondakı görüş meydan sahiblərinin böyük hesablı qələbəsi ilə yekunlaşıb. Bakıdakı qarşılaşma isə noyabrın 22-də olacaq.
