Böyük Britaniyanın Azərbaycandakı səfiri Kerol Kroft "Qarabağ" və İngiltərənin "Çelsi" komandaları arasında keçiriləcək Çempionlar Liqasının qrup mərhələsinin V tur matçından əvvəl hər iki kluba dəstək verib.
"Report"un məlumatına görə, xanım diplomat səfirliyin "Twitter" səhifəsində üzərində "Qarabağ" və "Çelsi" yazılmış şarfla foto paylaşıb. Onun adından azərbaycanca "Niyə də yox?!" sözləri də yazılıb.
Qeyd edək ki, bu gün Bakı Olimpiya Stadionunda təşkil olunacaq qarşılaşma saat 21:00-da başlanacaq.
