Futzal üzrə Avropa çempionatı ərəfəsində milli komandaların reytinq cədvəli açıqlanıb.
Sportnet.az-ın məlumatına görə, 2018-ci ilin əvvəlində keçirilən yoldaşlıq oyunları son siyahı ilə müqayisədə cüzi dəyişikliklərə səbəb olsa da, ilk "10-luq”dan sıralama əvvəlki kimidir.
Hazırda 10-cu sırada yer alan Azərbaycan millisi mövqeyində dəyişiklik olmasa da, xal hesabı artıb. Bakıda qonaq olan İran yığması ilə 2 yoxlama matçı keçirən Joze Alesio Da Silvanın rəhbərlik etdiyi kollektiv qarşılaşmaların birində heç-heçə edib (3:3), digərində uduzsa da (1:4) aktivinə 2 xal əlvə edərək 1454-ə çatdırıb.
Siyahıya 1931 xalla Braziliya yığması başçılıq edir. Cənubi amerikalıları AVRO-2018-in final mərhələsində Azərbaycan yığmasının rəqibi olan İspaniya kollektivi izləyir – 1878 xal. 1740 xala malik Rusiya ilk "üçlüy”ü qapayır.
Sloveniyadakı qitə çempionatında İspaniya və Azərbaycanla birgə D qrupunda çıxış edəcək Fransa isə 1256 xalla 20-ci pillədədir.
