2017-2018-ci illər mövsümünün ikinci yarısının hazırlıqlarını Türkiyədə davam etdirən "Qəbələ” bu gün növbəti yoxlama oyununu keçirib.
Sportnet.az-ın məlumatına görə, "Qırmızı-qaralar” qış fasiləsində son sınağında Makedoniyanın "Şkendiya” klubu ilə qarşılaşıb. "Gloria” məşq meydançalarında baş tutan matça Azərbaycan komandası aşağıdakı "11-lik”lə başlayıb: Dmitri Bezotosnı, Hacıağa Hacılı, Qismət Alıyev, Vojislav Stankoviç, Vitali Vernidub, Asif Məmmədov, Dion Malone, Stiven Monroz, Filip Ozobiç, Baqali Dabo, Elvin Məmmədov.
Görüş "qırmızı-qaralar" üçün uğursuz başlayıb. Makedoniya təmsilçisi 7-ci dəqiqədə erkən qolla hesabda önə keçib. Rəqib komanda fasiləyədək daha bir dəfə fərqlənməyi bacarıb. 34-cü dəqiqədə təyin olunan penaltidən dəqiq istifadə edən "Şkendiya” fasiləyə iki top üstünlüyü ilə yollanıb. Oyunun gedişində dəyişikliklərə əl atan baş məşqçi Roman Qriqorçuk Elvin Camalov, Dion Malone, Ürfan Abbasov, Rasim Ramaldanov, Famussa Kone və Təmkin Xəlilzadəyə də şans verib. Lakin oyunda dönüş yaratmaq mümkün olmayıb. Beləliklə, "Qəbələ” Antalyadakı son yoxlama matçında "Şkendiya”ya 0:2 hesabı ilə uduzub.
Xatırladaq ki, "Qəbələ” bu oyunadək Antalya toplanışında Türkiyənin "Akhisar Bələdiyyəspor” (1:1), İsveçrənin "Sürix” (0:1), Makedoniyanın "Rabotniçki” (2:1), Rusiyanın "Arsenal” (3:3) və Çexiyanın "Bohemians” (1:3) klubları ilə üz-üzə gəlib.
Yoxlama oyunu
3 fevral
18:00.
"Qəbələ” (Azərbaycan) – "Şkendiya” (Makedoniya) - 0:2
Qollar: Besart İbrahimi, 8. Ferhan Hasani, 34-penalti ilə
"Qəbələ"nin start heyəti: 22. Dmitri Bezotosnı, 29. Hacıağa Hacılı, 3. Voyislav Stankoviç, 15. Vitali Vernidub, 8. Qismət Alıyev, 11. Asif Məmmədov, 6. Elvin Məmmədov, 28. Stiven Monroz, 18. Filip Ozobiç, 9. Baqali Dabo, 10. Ruslan Qurbanov
"Gloria” otelinin meydançaları
