"Kəpəz”in Topaz Premyer Liqasının XVII turunda "Qarabağ”a 0:1 hesabı ilə uduzduğu qarşılaşmada zədələnərək əvəzlənən futbolçularının vəziyyəti qənaətbəxşdir.
Sportnet.az xəbər verir ki, Dieqo Souza, Samir Zərgərov və İlyas Səfərzadənin durumu nəzarət altındadır. Əzələ yüklənməsi diaqnozu qoyulan Zərgərov artıq komanda ilə kollektiv məşqlərə başlayıb. Əzələ ilə bağlı problemləri olan İlyasla Dieqo isə bu gün fərdi halda hazırlaşıb.
Sabah təkrar müayinədən asılı olaraq onların kollektiv məşqlərə qoşulub-qoşulmamasına qərar veriləcək.
