Somalidə stadionda baş vermiş partlayış nəticəsində 5 nəfər ölüb, 10-dan çox insan yaralanıb.
Sportnet.az xəbər verir ki, partlayıcı qurğu yerli komandalar arasında oyun zamanı işə salınıb.
Terror aktı ölkənin cənubundakı Barava liman şəhərində törədilib. Partlayıcı qurğunun stadionda əvvəlcədən quraşdırıldığı bildirilir.
Ölənlərdən 3-nün futbolçu olduğu bildirilir.
Qeyd edək ki, Somalidə terror aktlarının böyük hissəsi radikal islamçı "Aş-Şabab" qruplaşması tərəfindən törədilir.
