Çempionlar Liqasında 1/4 final mərhələsinin cavab oyunlarının ən yaxşı futbolçusu müəyyənləşib.
Sportnet.az UEFA-nın rəsmi saytına istinadən xəbər verir ki, həftənin oyunçusu adına İngiltərə təmsilçisi "Liverpul”un forvardı Sadio Mane layiq görülüb. O, qurumun rəsmi saytı tərəfindən aparılan səsvermədə səslərin 51 faizini qazanıb.
Azarkeşlərin 31 faizinin seçimi İtaliyanın "Roma” klubunun forvardı Edin Ceko olub. "Yuventus”un hücumçusu Mario Mancukiç isə 16 faiz səslə 3-cü yeri tutub.
Qeyd edək ki, yarımfinalda "Real Madrid” "Bavariya” ilə qarşılaşacaq. "Liverpul” isə "Roma”ya rəqib olub.
