"Sumqayıt"la kubok matçı çox gərgin keçdi. Hər iki komanda risk etmək istəmirdi".
Bunu Sportnet.az-a açıqlamasında "Keşlə" klubunun futbolçusu Slavik Alxasov söyləyib. 25 yaşlı oyunçu "Gənclik şəhəri" təmsilçisi ilə qarşılaşmada qol buraxmaq istəmədiklərini deyib:
"Hələ heç nə həll olunmayıb. Əsas oyun Sumqayıtda olacaq. Rəqib doğma meydanda çox yaxşı oyun göstərir. Ona görə də bizim üçün çox çətin olacaq. Həmin oyunda əlimdən xəsarət aldım. Artıq cavab görüşünə hazırlaşacağam".
Qeyd edək ki, "Keşlə" Azərbaycan Kubokunun yarımfinal mərhələsinin ilk matçında doğma meydanda "Sumqayıt"ı 1:0 hesabı ilə məğlub edib.
