"Barselona" klubunun qapıçısı Mark-Andre ter Ştegen İspaniya La Liqasında rekord müəyyənləşdirib.
Sportnet.az-ın məlumatına görə, almaniyalı qolkiper mövsümün startından 33 matçda məğlubiyyət üzü görmədən çıxış edən yeganə oyunçudur. Hərçənd, o, "Selta" ilə XXXIII tur matçında qapısında 2 qol görüb - 2:2. Lakin bu görüşdən sonra Kataloniya komandasının məğlubiyyətsiz oyunlar seriyası 40-a çatıb.
Qeyd edək ki, ötən həftə "Barselona" İtaliya "Roma"sına iki oyunun yekununda uduzaraq, Çempionlar Liqasında mübarizəni dayandırıb. İspaniya Kubokunda isə bu komanda finalda "Sevilya" ilə üz-üzə gələcək.
